Siglir tar il cuntegn
cuntegn

Hockey regiunal Victoria per l'EHC Cuira

En la MySports League han ils Cuira Capricorns gudagnà ordaifer cunter ils HC Düdingen Bulls cun 2:3.

Purtret dals giugaders en acziun sin il  glatsch.
Legenda: Suenter 4 terradas en seria, pon ils giugaders da Cuira puspè sa legrar sur dad ina victoria. MAD, ehcfans.ch

Cun 2:0 manava l'EHC Cuira 10 minutas avant la fin. Ils gols per Cuira ha sajettà Luca Infanger. Ils Capricorns n'èn dentant betg vegnì da tegnair l'avantatg. Uschia ha la prolungaziun stuì decider. Là ha Alexander Tkachenko pudì decider la partida a favur da la squadra grischuna.

Malgrà la victoria resta Cuira a la cua da la tabella, quai cun 21 puncts.

Ina terrada hai dentant dà per la squadra da Partenz-Signuradi èn l’emprima liga. A chasa perdan ils da Partenz cunter l'EHC Wetzikon cun 3:4.

En la segunda liga sto il Club da hockey Engiadina magunar ina clera terrada. Cunter il HC Schaffusa perdan ils engiadinais a chasa cun 2:6.

RR novitads 20:00+