Sin gols han ils aspectaturs dentant stuì spetgar fitg ditg a Biasca. Pir en la 58avla minuta ha Simon Scherrer marcà il 1:0 per Cuira. En la davosa minuta hai lura dà la decisiun finala, cun dus ulteriurs gols per ils da Cuira.
Cun main success ha il EHC Arosa cumenzà la masterround, i ha dà ina terrada da 1:3 cunter Frauenfeld. Bain èn ils d’Arosa ids en avantatg suenter 53 secundas. Suenter han dentant mo ils da Frauenfeld pli fatg gols, dus en il segund terz, e 6 secundas avant la fin il gol decisiv al 1:3. Ed il giugader d’Arosa Luca Knutti ha survegnì pervi d’in check cunter il chau in chasti da match.
Las 6 equipas ch'èn sa qualifitgadas per la masterround dal campiunadi da hockey da l'emprima liga, cumenzan quella cun la mesadad dals puncts da la runda avant sin lur conto.
Hockey: Classament 1. liga ost (masterround) (06-02-2016)
| Team | Gieus | Relaziun da gols | Puncts | |
| 1. | Dübendorf | 10 | 169:68 | 55 |
| 2. | Biasca | 10 | 136:84 | 39 |
| 3. | Cuira | 10 | 133:99 | 36 |
| 4. | Frauenfeld | 10 | 94:102 | 34 |
| 5. | Wetzikon | 10 | 108:88 | 33 |
| 6. | Arosa | 10 | 107:111 | 27 |