Radund 40 uffants han beneventà Andrès Ambühl, Dino Wieser u Perttug Lindgren cun chantar intginas chanzuns en la partiziun d’uffants da l’ospital chantunal. Silsuenter han ils giugaders dal HCD dà unihoc, ballape da maisa (tschutti) u auters gieus cun ils uffants.
E sa chapescha han ils giugaders er dà autograms. Per in mument è il mund dals uffants stà en urden, tut ils mals e las malsognas emblidadas e per il HCD han las terradas da l’ultim temp pers in zic l’impurtanza.
RR actualitad 17:30