Regiunal - Il HSV sa trenar sin la nova plazza da ballape a Schluein
A Schluein marschan las ultimas lavurs vid la nova plazza da ballape. Actualmain vegn rasà il pastget che vegn furnì sin rollas da l’Austria. Ina da las emprimas equipas che vegn a dar sin la nova plazza è il Hamburger Sportverein ch’è davent dals 5 da fanadur en in camp da trenament en Surselva.
Saira: Schluein survegn ina nova plazza da ballape
02:47 min, ord Actualitad dals 02.06.2015.
laschar ir. Durada: 2 minutas 47 Secundas.
L’equipa cun ils dus svizzers Johan Djourou e Valon Behrami vegn sco equipa da l’emprima Bundesliga en Surselva. Pir ier saira è il HSV mitschà da la relegaziun. Il HSV ha gudagnà a Karlsruhe il gieu decisiv cunter la relegaziun cun 2:1 suenter prolungaziun.
En vista al camp da trenament dal HSV han las vischnancas da las regiuns e la destinaziun turistica Laax-Flem investà a Schluein varga in mez milliun francs en la plazza nova da ballape. L’Uniun sportiva Schluein Glion ha ultra da quai construì ina nova tribuna cun ustaria e gardarobas per 1,3 milliuns francs, quai senza quintar la lavur cumina dals commembers.