Siglir tar il cuntegn

Header

cuntegn

Regiunal Il plaschair ha dominà sin «Crap Gries»

Per la segunda giada ha il Hamburger Sportverein (HSV) absolvì in champ da trenament en la regiun Flem-Laax-Falera. E per la segunda giada è el sa mesirà cun la squadra da Schluein Glion. Malgrà che lezs han pers cun 0:13 era il plaschair l’emoziun predominanta.

audio
US Schluein Glion vs. HSV – las reacziuns
ord Sportissimo dals 03.07.2016.
laschar ir. Durada: 3 minutas 11 Secundas.

Passa 1'100 aspectaturs han guardà la partida tranter il club da la Bundesliga ed il club local sin la plazza da ballape «Crap Gries» a Schluein.

Quai è stà in bun gieu. Il plaschair è segiramain stà en il center, era sche nus avevan ordavant che nus perdian. En il campiunadi è il squitsch secapescha adina avant maun, quai che n’è betg stà il cas qua.
Autur: Gabriel Derungs emprima squadra USSI
Giugaders
Legenda: «Be» incassà 4 gols. En l'emprima mesadad ha la squadra rinforzada da l'USSI mussà ina buna prestaziun cunter il HSV. ANR, H. Huonder

Terrada amicabla

Trais giugaders hal HSV èn stads engaschads cun equipas naziunalas a l’EURO en Frantscha. Els han mancà a Crap Gries, tranter els il Svizzer Johan Djourou.

Il gieu sco tal è stà – sto spetgà – monoton ed è vegnì dominà cleramain dal HSV. La finala ha l’USSI rinforzada pers cun 0:13. L'attatgader Sven Schipplock ha tutgà 7 giadas per ils Tudestgs. L’onn passà aveva quai er dà 13 gols. Dentant avevan ils indigens almain sajettà in gol d’onur.

In eveniment è il gieu era stà per il giuven Rafael Deplazes (18) da Disla. El è in dals pli gronds talents da ballape da la Surselva ed è actualmain giugader da l’emprima liga da Balzers. «Mia finamira èsi segiramain da pudair dar in mument en ina liga anc pli auta. La proxima stagiun sun jau en mintga cas dentant anc a Balzers».

RR novitads 22:00

Artitgels legids il pli savens