Aura da belleza, atmosfera grondiusa, ed uschè blers participants sco anc mai al 30avel Beni's Super-G en il territori da skis da Laax. 650 uffants, creschids e seniors han fatg onur a Beni Cathomas ed a sia cursa ch'el organisescha dapi l'onn 1988 cun tutta premura. A l'ediziun da giubileum n'èsi dentant betg gartegià ad indigens da realisar ils megliers temps dal di ed ir per il grond cristal.
Tar las dunnas vegn la victura dal chantun Uri. Sarah Briker-Stucki ha fatg il Beni's Super-G en in temp dad 1:05.53. Ella ha battì la campiunessa olimpica Denise Feierabend per 38 tschientavels. Tar ils umens ha l'Austriac Bernhard Hager realisà il meglier temp ed er gist procurà per in nov record da percus dad 1:05.01. Sin il podest u betg, per ils pli blers è quella gronda cursa populara il punct culminant da la stagiun. Senza il Beni's mancass insatge.
RR Sportissimo 12:00