Siglir tar il cuntegn

Header

cuntegn

In sguard en l'archiv Gronds clubs da sport da Cuira èn sa stabilisads

Ils clubs EHC Cuira e Cuira 97 na giogan betg pli en las autas ligas naziunalas, paran mumentan dentant da funcziunar ed avair success. Quai empermettan en mintga cas ils ultims e cunzunt il davos onn.

Ils temps glorius èn vargads, tant tar Cuira 97 sco era tar l'EHC Cuira. Ils davos diesch, ventg onns èsi adina ì si e giu cun las equipas. Mo ils dus gronds clubs da la citad da Cuira paran dad esser pli stabils che anc avant in pèr onns.

audio
Uniuns sportivas: Il si e giu dals clubs da Cuira
ord Actualitad dals 28.07.2020.
laschar ir. Durada: 3 minutas 53 Secundas.

Cunzunt la davosa stagiun, che ha dentant stuì vegnir annullada pervi da corona, è ord vista sportiva stada per omadus clubs ina da success:

EHC Cuira

  • Il zenit: 2000-2002 en la liga naziunala A
  • La baisse: il concurs da la EHC Chur Sport AG l'onn 2008 e la relegaziun en 2. liga l'onn suenter
  • Situaziun actuala: dapi intgins onns en la 1. liga (MySports League), l'ultima stagiun vegnì en ils playoffs

Cuira 97 (pli baud FC Cuira):

  • Il zenit: 1987-1993 en liga naziunala B
  • La baisse: 1998 relegaziun en la 3. liga
  • Situaziun actuala: eran la stagiun 19/20 sin l'emprim plaz da la 2. liga interregiunala avant l'annullaziun da la stagiun

RTR actualitad 07:00

Artitgels legids il pli savens