Rüttimann ha battì en in sprint piz a cup l’indigen Mathias Alig da Val Son Pieder. Terz è Hampi Rusch vegnì. Il mountainbiker Andrin Beeli da Sagogn, ch’ha fatg l’onn passà anc segund, è vegnì tschintgavel. Victura da las dunnas è Mirj Keller da Tavau ch'ha gudagnà avant Laila Orenas e Nina Zeller.
audio
Sportissimo: Bilantscha da la cursa da velo da Glion a Val
ord Sportissimo dals 03.05.2015.
laschar ir. Durada: 4 minutas 52 Secundas.
Crisa para d'esser surmuntada
La cursa da Glion a Val Son Pieder è la pli veglia cursa da velo dal Grischun. Suenter ina pausa da 7 onns hai dà l’onn passà ina renaschientscha da quest classicher. E la crisa para dad esser surmuntada. Oz è vegnì organisà cun success la 32avla ediziun da quella cursa.