Joel Suter ha gudagnà il sprint final d’ina gruppa da tschintg ed è la finala stà ina secunda pli spert che Simon Brühlmann e Yuri Marsico. Uschia è l’entir podest stà occupà da ciclists d’U23.
Tar las dunnas è Marlen Reusser stada la pli sperta en in temp da 1:17:50 uras. Reusser ha triumfà cun in avantatg da passa ina minuta sin la mattadura locala Nina Zoller da Cuira.
Cursa dals giuvens
Tut en tut èn 163 ciclistas e ciclists stads a la partenza a la 36avla ediziun dal classicher da velo Cuira – Arosa. Blers n’èn il davos mument betg partids pervia da l’aura. Igl è stà grisch e bletsch. Er han mancà blers ciclists d’elita, uschia che questa cursa è oravant tut ina plattafurma per ils giuvens, ils stars da damaun. Ils onns 80 e 90 avevan anc ciclists da classa sco Beat Breu, Pascal Richard, Toni Rominger u Alex Zülle triumfà ad Arosa.