Siglir tar il cuntegn

Header

cuntegn

La cursa populara Tut è pront en Engiadina Bassa per il Passlung

Suenter in onn pausa pervia da la pandemia, datti quest onn puspè la cursa populara Passlung da Martina a Scuol. La cursa exista dapi varga quaranta onns è vegn er numnada il pitschen engiadinais.

L’enviern passà è la cursa populara Passlung da Martina a Scuol crudada en l’aua. Per la terza giada suenter il 1990 ed il 2002 n'ha quai dà nagina cursa da passlung populara per lung la riva da l’En da Martina fin a Scuol. Quest enviern dentant è la cursa puspè enavos. I dat la cursa en la furma usitada, cun la medema fulla glieud sco ils onns precedents.

audio
Xaver Friser è pront per il Passlung da Martina a Scuol
aus Actualitad vom 12.02.2022.
abspielen. Laufzeit 2 minutas 45 Sekunden.

Cursa individuala è stada in success

Era sche la cursa da l’enviern passà n'ha betg gì lieu, han ils organisaturs dal Passlung purschì ina cursa individuala. L'uschenumnada Passlung Challenge. Ina cursa nua che las curriduras ed ils curridurs as han pudì sa registrar en la rait, ed uschia currer per sai sez. Dentant cun prender il temp e metter quel en congual cun la concurrenza. Uschia han ins almain tegnì in zichel la tempra dad ina concurrenza. Pervi dal success da las cursas individualas è quella offerta vegnida mantegnida.

Kids cross quasi uschè popular sco las cursa dals creschids

Suenter la cursa populara stattan ils uffants en il center dal Passlung. Alura sa mesiran ils pli pitschens sin in percurs en l’arrivada a Scuol. Uffants dals differents JO’s cumbattan per bunas prestaziuns ed emprovan dad esser ils pli sperts. Per ils geniturs che han forsa gia fatg il Passlung, dentant er per ils uffants è quai mintga giada ina gronda festa.

RTR actualitad 07:00

Artitgels legids il pli savens

Scrollar a sanestra Scrollar a dretga