Siglir tar il cuntegn

Header

Daniel Mahrer
Legenda: Daniel Mahrer da Cuira, anteriur skiunz da la cuppa mundiala mad
cuntegn

Lauberhorn Daniel Mahrer: «Jau sun in victur fauss al Lauberhorn»

A las cursas dal Lauberhorn han baininqual skiunz scrit istorgia, er Daniel Mahrer da Cuira. L’anteriur skiunz ch’ha dacurt festivà l’anniversari da 60 è vegnì duas giadas terz a la cursa rapida dal Lauberhorn. Mahrer ha dentant er gudagnà duas giadas questa cursa, quai a moda in zic speziala.

audio
Andreas Wieland è s'inscuntrà cun Daniel Mahrer a Wengen
aus Sport ed actualitad vom 16.01.2022.
abspielen. Laufzeit 4 minutas 3 Sekunden.

Il 1988 aveva Daniel Mahrer gudagnà la cursa rapida a Leukerbad ch'aveva surpiglià las cursas da Wengen pervia da la mancanza da naiv. Pli en memoria resta dentant quai ch’è capità trais onns pli tard, il 1991. Suenter la tragedia enturn l’Austriac Gernot Reinstadler, ch’era sa disgrazià mortalmain en il Ziel-S, avevan ils organisaturs laschà valair il trenament, da lezzas uras anc la qualificaziun per la cursa cun ils megliers 30. Mahrer era stà il spert en questa qualificaziun.

Jau hai gudagnà duas giadas la cursa rapida dal Lauberhorn e tuttina mai.
Autur: Daniel Mahrer anteriur skiunz

Uschia ha Daniel Mahrer atgnamain gudagnà duas giadas la cursa rapida dal Lauberhorn. El saja dentant in victur fauss, uschia Mahrer ch’è stà 24 giadas sin in podest da la cuppa mundiala, 8 giadas il pli sisum. Dapi quest accident tragic da Gernot Reinstadler è vegnì fatg pliras adattaziuns sin la pista dal Lauberhorn, principal il Ziel-S.

Bronz al campiunadi mundial 1991

Il pli grond success ha Daniel Mahrer festivà al campiunadi mundial il 1991 a Saalbach-Hinterglemm en l’Austria. Là ha el gudagnà la medaglia da bronz en la cursa rapida davos ses cumpatriot Franz Heinzer ed il Talian Peter Runggaldier.

Actualitad 17:00

Artitgels legids il pli savens

Scrollar a sanestra Scrollar a dretga