Siglir tar il cuntegn

Regiunal Lavur supplementara per garantir las cursas da skis a Lai

La blera naiv dals ultims dis ha laschà enavos fastiz per ils organisaturs da la cuppa mundiala da skis a Lai. Las trais cursas da las dunnas da questa fin d'emna èn dentant betg periclitadas. Grazia a sforzs supplementars duessan las pistas esser prontas fin gievgia.

Legende: Video Preparativas a Lai abspielen. Laufzeit 2:58 Minuten.
Or da Telesguard dals 24.01.2018.

Dapi la mesemna passada hai dà varga in meter e mez naiv nova en il territori da skis da Lai. Sco l'Uniun cuppa mundiala da Lai scriva sto tut quella naiv vegnir rumida da la pista da cursa. Laschar la naiv nova en pista fiss numnadamain privlus per las skiunzas. Tenor las prognosas na datti davent da damaun betg dapli naiv nova. Uschia sappian gidanters e schuldads preparar la pista cun aua ed era montar las raits da segirtad. Fin gievgia duessi la pista esser pronta.

Trais cursas entaifer trais dis

Da venderdi fin dumengia han lieu lura sin la pista Silvano Beltrametti a Parpan ina cumbinaziun alpina da las dunnas, in slalom gigant ed in slalom.

RR actualitad 17:00