La Svenska Superligan è la meglra liga dad unihoc dal mund. Perquai èsi per blers giugaders svizzers in siemi da far il pass en Svezia, er per il Grischun Linard Parli. Parli è oriund da Malix, ha emprendì l’amulain dad unihoc tar Cuira ed ils ultims set onns ha el giugà a Turitg tar ils Grasshoppers.
Uss cumenza per Linard Parli dentant ina nova sfida. A partir dad uss dat il giugader da l’equipa naziunala en la meglra liga dad unihoc dal mund tar Sirius Uppsala.