Siglir tar il cuntegn
Inhalt

Regiunal Lusitanos de Samedan – victoria en il derbi engiadinais

Ils Lusitanos de Samedan han gudagnà il derbi da ballape engiadinais. L’equipa batta il CB Scuol cun 4:1.

Dapi ch'il CB Scuol è vegni relegà questa primavaira en tschintgavla liga da ballape datti puspè il derbi engiadinais cun il FC Lusitanos de Samedan. L’equipa che ha blers giugaders cun ragischs portugaisas n'ha questa giada betg laschà ina schanza al CB Scuol. Ils Lusitanos han gudagnà cleramain cun 4:1 e quai lura era anc sin la plazza Gurlaina a Scuol.

Sco leader en la pausa d’enviern

Per il FC Lusitanos de Samedan eri impurtant da gudagnar la davosa partida da la runda d’atun. Uschia resta la squadra da l’Engiadina Ota a la testa da la tabella e po ir sco leader da la tschintgavla liga en la pausa d’enviern.

Arrivà en la tschintgavla liga

Era sch'il CB Scuol ha pers il derbi encunter ils Lusitanos è l’equipa ch'è vegnida relegada la primavaira arrivada en tschintgavla liga. Da las emprimas set partidas ha la squadra pers be duas ed è per il mument sin plazza tschintg da la tabella. Scuol ha dentant da dar anc ina partida da la runda d’atun. La proxima fin d’emna spetga anc il duel encunter Lai/Valbella.

RR sportissimo 12:00