Siglir tar il cuntegn

Header

cuntegn

Regiunal Lutga da la Schwägalp senza Orlik Armon

A la fin dad ina lunga stagiun da lutga s’entaupan ils megliers lutgaders svizzers sin la Schwägalp. Al pè dal Säntis cumbattan els per il titel dal retg da lutga.

Armon Orlik sto desister sin la lutga da la Schwägalp. Il lutgader da Maiavilla ch'aveva gudagnà la lutga da tradiziun l'onn 2016 era sa blessà vi dad in schanugl il principi da fanadur. La guariziun dal schanugl succeda tenor giavisch, dentant na tanschi anc betg per sa participar a la lutga da la Schwägalp. I manca la stabilitad dal schanugl.

audio
Armon Orlik desista sin lutga da la Schwägalp
ord Actualitad dals 15.08.2018.
laschar ir. Durada: 20 Secundas.

Senza Orlik dentant cun Marc Jörger

Senza Armon Orlik èn tuttina anc quatter lutgaders grischuns da la partida tar il punct culminant da la stagiun. Ursin Battaglia, Mike Peng, Sandro Schlegel e per l’emprima giada insumma: Marc Jörger da Domat. Il lutgader da 24 onns ha persvas cun bunas prestaziuns durant la stagiun actuala ed è perquai vegni nominà per il punct culminant da la stagiun.

audio
Premiera per Marc Jörger tar lutga da la Schwägalp
ord Actualitad dals 15.08.2018.
laschar ir. Durada: 2 minutas 4 Secundas.

Reto Attenhofer: tut è pussaivel

Era sche la delegaziun grischuna è suenter la renunzia dad Armon Orlik in zichel decimada resta tuttina tut pussaivel. Dentant dovri ina fitg buna prestaziun ed era in pau cletg per cumbatter per in cranz sin la Schwägalp. Al pe dal Säntis datti da gudagnar sulet tranter dudesch e quindesch cranzs.

audio
Reto Attenhofer davart lutga da la Schwägalp
ord Actualitad dals 15.08.2018.
laschar ir. Durada: 2 minutas 41 Secundas.

RR novitads 12:00

Artitgels legids il pli savens