Siglir tar il cuntegn

Header

cuntegn

Regiunal Malans gudogna derby grischun dad unihockey

Il derby grischun en ils quartfinals dals playoffs, decidan ils umens da Malans en lur favur. Alligator Malans gudogna la sonda suentermezdi a chasa cunter Cuira Unihockey, quai cun 10:5. Tar las dunnas vegn Piranha Cuira tar ina clera victoria cunter Laupen.

En la stagiun regulara avevi dà dus duels tranter Malans e Cuira. Mintgamai l'equipa da chasa aveva gudagnà la partida. Ed uss en l'emprima partida dals quartfinals dals playoffs, datti puspè ina victoria per il club da chasa Malans.

La proxima partida dals quartfinals tranter Cuira Unihockey ed Alligator Malans è la dumengia saira las 6 a Cuira.

Piranha fa curt process

Tar las dunnas gudogna Piranha Cuira cleramain l'emprima partida dals quartfinals dals playoffs. A chasa battan las unihockeyanas da Cuira la squadra da Laupen en il chantun Turitg – gist cun 9:1.

La segunda partida Piranha Cuira cunter il UHC Laupen è sonda proxima.

RR novitads 20:00++

Artitgels legids il pli savens