Siglir tar il cuntegn

Header

Navigaziun

Giugaders da Cuira vid festivar in gol
Legenda: 21 gols han ils giugaders da Cuira festivà ils emprims 9 gieus. Ma cun 24 è il dumber da gols survegnids anc pli auts. MAD
cuntegn

Regiunal Manco d’effizienza en la defensiun

Mo ina stagiun ha Cuira97 giugà en la segunda liga regiunala. Dapi quest atun è l’equipa da la chapitala puspè en la segunda liga interregiunala. Suenter 9 rundas è Cuira sin plaz 9. Il trenader spetga dapli.

Thomas Waser, che trenescha dapi 3 onns l’equipa da Cuira, n’è betg cuntent cun la situaziun. Blers dals gieus ch’ins ha pers, avessan els pudì gudagnar, manegia Waser. En l’attatg manca tenor el savens il saun fraid. Ins haja gì bleras schanzas en ils gieus, ha dentant mo nizzegià paucas.

Da l’autra vart han ils da Cuira survegnì blers gols. 24 gols en 9 gieus. Quai na plascha natiralmain betg al trenader. Els hajan buns giugaders en la defensiun, ma surtut giuvens. Quai che manca è in ni dus giugaders pli rutinads.

En ils quatter gieus che restan enfin la pausa d’enviern, vul Thomas Waser anc recaltgar cun sia equipa almain 6 puncts. Persunalmain spera el dentant sin 10 puncts. La finala hajan els gea da dar 3 da quels 4 gieus cunter equipas a la fin da la tabella.

Il proxim gieu dat Cuira sonda che vegn da las 16:00 a chasa cunter St. Margrethen, ch’è actualmain a la cua da la tabella.