Mauro Caviezel na parta a naginas cursas da skis en questa stagiun. Il skiunz grischun aveva rut in oss dal ventrigl tar ina cupitgada en il trenament la fin avust en il Chile.
Tenor il medi dr. Lukas Weisskopf saja la blessura guarida per 90%. Enfin ussa saja tut ir bain. Damai che la ruttadira saja dentant exact sin l’autezza dal chalzer na saja anc betg pussibel da sfurzar memia fitg, uschia il medi.
Mauro Caviezel ch’ha 27 onns vegn a cuntinuar cun la reabilitaziun cun la finamira da puspè pudair trenar cun l’equipa a partir da la primavaira.
