Siglir tar il cuntegn

Header

Skis da turas
Legenda: La fatschenta cun skis da turas è actualmain quasi inexistenta. MAD
cuntegn

«Michel, sport da muntogna» Quasi nagina fatschenta cul sport da turas

L'interess vid il far turas da skis è gronds. Pervia dal coronavirus è questa fatschenta dentant quasi stada inexistenta las ultimas emnas.

Marcus Michel maina dapi prest 10 onns ina stizun da sport a Trun. Ina situaziun ch'è sa spezialisada sin rauba ch'igl alpinist dovra per ir en la muntogna. Saja quai il simpel viandant u quel che va endretg a raiver. Er rauba da turas tutga tar il sortiment da a stizun «Michel, sport da muntogna».

Quasi nagina fatschenta pervia dal coronavirus

Il sport da far turas da skis saja vegnì pli e pli populars ils ultims onns, di Marcus Michel. Quai haja el constatà dapi ch'el maina la stizun da sport. Giuvenils cumenzan, dentant er persunas pensiunadas survegnan puspè il gust da far turas. Gist ils mais d'avrigl e matg èn, per regla, tipics mais da far turas da skis.

Mo gist questa fatschenta è uss dada ensemen quasi cumplettamain. Tut en tut haja el segir vendì 90% pli pauc ch'ils ultims onns. «Jau hai pudì vender 2-3 pèra skis ed intgins chalzers, quai è stà tut».

Sco Marcus Michel di speria el tuttina anc che l'onn 2020 vegni in bun onn. Fin che il coronavirus saja vegnids, saja stà in fitg bun onn. Plinavant metta el er gronda speranza en la la fatschenta da stad.

RTR sportissimo 17:00

Artitgels legids il pli savens

Scrollar a sanestra Scrollar a dretga