Siglir tar il cuntegn

Header

Duo engiadinais per il HCD
Legenda: Duo engiadinais per il HCD RTR, Roman Dobler
cuntegn

Misani e Ritzmann Il HCD lia talents giuvens

Marino Misani da Samedan e Fabian Ritzmann da Scuol survegnan la schanza da dar per il club da hockey da Tavau.

Il club da hockey da Tavau vul tegnair ils agens juniors en il Grischun. Perquai ha l’equipa da tradiziun suttascrit gist cun tschintg giugaders da l’atgna partiziun da juniors contracts da profis. Tranter quest quintet èn era dus giugaders engiadinais: Marino Misani da Samedan e Fabian Ritzmann da Scuol.

Jau vuleva gia adina vegnir profi da hockey
Autur: Marino Misani19 onns Samedan

Gia cun 16 midà tar la U17 dal HCD

Ils dus hockeyans engiadinais han fatg fin uss quasi la medema via. Omadus han ristgà gia cun 16 onns il pass da l’Engiadina a Tavau. Tant Misani so era Ritzmann han alura era gist fatg la scolaziun, respectivamain il giarsunadi a Tavau. Ritzmann il giarsunadi da commerzi tar il secretariat dal HCD, Misani la scola da commerzi tar la Scola media alpina a Tavau. Uss suenter ils onns da giarsunadi/scola han omadus suttascrit lur emprim contract da profi.

Jau crai che la schanza da dar per il HCD vegn
Autur: Fabian Ritzmann18 onns Scuol

Via Biasca forsa tar il HCD

L’idea dals responsabels da Tavau èsi da nominar Marino Misani e Fabian Ritzmann per l’equipa da partenadi da Biasca en la Swiss League. Quai è la segund auta liga da hockey en Svizra. Sche il duo mussa bunas prestaziuns tar Biasca è la via vinavant tar il HCD segir pussaivla. L’emprim han omadus dentant da mussar lur classa en la Swiss League.

RTR actualitad 17:00

Artitgels legids il pli savens

Scrollar a sanestra Scrollar a dretga