Siglir tar il cuntegn

Header

Nino Schurter, Lars Forster
Legenda: Il duo cun Nino Schurter e Lars Forster en la rolla da favurit al Swiss Epic 2020. mad
cuntegn

Mountainbike Nino Schurter al Swiss Epic en il Grischun

L’actual meglier mountainbiker dal mund, Nino Schurter ed anc blers auters stars sa participeschan al Swiss Epic che maina quest onn tras il Grischun, da Laax sur Arosa fin a Tavau. Per blers atlets è questa cursa il cumenzament da la stagiun da mountainbike 2020.

Il campiun olimpic e campiun mundial Nino Schurter sa participescha al Swiss Epic ensemen cun Lars Forster, ses collega d’equipa tar il Scott-Sram Team. Ils dus Svizzers ch'avevan gia gudagnà l’onn passà il Cape Epic en l’Africa dal Sid valan uschia sco ils gronds favurits. Bunas cartas vegnan er dadas ad Andri Frischknecht che va a la partenza ensemen cun Matthias Stirnemann. Quest duo aveva triumfà al Swiss Epic 2018.

Jau m’allegrel extrem da finalmain puspè cumenzar a far cursas.
Autur: Nino Schurtermountainbiker

Al Swiss Epic da quest onn vegnan spetgads radund 250 teams da dus. Il sajet da partenza per questa cursas da tschintg etappas succeda a Laax. A fin va questa cursa extrema a Tavau. Tut en tut han ils participants d’absolver 333 kilometers e 12'850 meters differenza d’autezza.

RTR novitads 15:00

Artitgels legids il pli savens

Scrollar a sanestra Scrollar a dretga