Siglir tar il cuntegn

Header

audio
Campiunadi svizzer da MTB: Famiglia da Flond cun t
Or da Sport ed actualitad dals 29.05.2021.
laschar ir. Durada: 04:47 minutas.
cuntegn

MTB Gstaad Ils trimellins da Flond al Swiss Bike Cup

Luisa, Carlo e Franco – els han 10 onns, èn trimellins ed oriunds da Flond. E tuts trais han la medema passiun, igl ir cun mountainbike. Uschia sa participeschan tuts trais er a la seria da cursas dal Swiss Bike Cup.

La famiglia Camenisch viva per il sport da mountainbike. Il bab Bruno, la mumma Barbara sco era tut ils tschintg uffants èn commembers dal Club da Velo Surselva. Durant ch’il figl grond, il Fabio ch’ha 16 onns, ha chalà avant bun dus onns cun cursas, èn ils quatter uffants pitschens fieu e flomma da quest sport. Gugent fan ils geniturs perquai il viadi cun els a differentas cursas da mountainbike, saja quai cursas dal Swiss Bike Cup u cursas dal Kids Cup Grischun.

Alessandro Solèr sin ils fastizs da la sora Chiara

Dasper la famiglia Camenisch da Flond è er adina puspè la famiglia Solèr da Lumbrein preschenta a las cursas dal Swiss Bike Cup. Ina speranza per l’avegnir è principalmain Chiara Solèr che fa part a l’equipa da «Thömus RN Swiss Bike Team – YoungStars» e che parta actualmain en la categoria U17.

Legenda: Alessandro Solèr cuntanscha l'arrivada sco 13avel da sia categoria. Andreas Wieland

Suenter il 8avel plaz tar l’emprima cursa l’entschatta matg a Leukerbad è Chiara Solèr vegnida 5avel a Gstaad. In pass enavant ha er il frar Alessandro pudì far. A Leukerbad anc 22avel è el vegnì a Gstaad 13avel en la categoria U15.

audio
Intervista cun Alessandro Solér da Lumbrein
01:58 min, Sport ed actualitad dals 29.05.2021.
laschar ir. Durada: 01:58 minutas.

Actualitad 17:00

Artitgels legids il pli savens

Scrollar a sanestra Scrollar a dretga