En la My Hockey League han ils 2 clubs grischuns fatg differenta figura la mesemna saira.
Entant che Cuira ha realisà ina victoria da 3:2 ordaifer cunter Seewen, ha Arosa pers a chasa cunter Bülach cun 1:2.
L'emna passada ha Cuira anc stuì dar or da mauns la victoria cunter Thun. Per Cuira va la stagiun bun, en la tabella è Cuira anc adina sur Thun, ch'ha battì Cuira la sonda passada, dentant sut Huttwil ch'ha gudagnà tut ses 10 davos gieus questa stagiun.
Arosa para da laschar suenter, dals davos quatter gieus han els mo pudì gudagnar ina partida. Avant è Arosa dentant partì bun en la stagiun, l'equipa è anc adina sin plaz 5 da la tabella.
En la My perda il EHC Cuira a chasa cunter il EHC Thun cun 2:3. Decidì il gieu han ils da Thun en il segund terz cun sajettar lur 3 gols. Cuira ha pudì marcar l'emprim e l'ultim terz mintgamai mo 1 gol.
Ed ordaifer ha il EHC Arosa pudì gudagnar cunter il SC Langenthal cun 3:1.