Suenter duas terradas encunter Cuira (3:4 e 2:3) è la revantscha grategiada. Arosa ha gudagnà piz a cup encunter Cuira grazia ad ina buna disciplina ed ina buna effizienza. Malgrà che Cuira ha giu dapli dal gieu ed er las bleras schanzas – n’èsi betg grategià ad els da batter per la terza giada en seria ils vischins d’Arosa.
Suenter gols da Patrick Bandiera e Flavio Cola en powerplay è Arosa ì fin la 24avla minuta cun 2:0 en avantatg. Anc en il segund terz ha Cuira pudì egualisar grazia a dus gols da Yannick Bucher entaifer be bun duas minutas. Procurà per il gol decisiv ha la finala Reto Amstutz en la 46avla minuta.
Grazia a questa victoria ha il EHC Arosa puspè trais puncts avantatg sin il EHC Cuira en la tabella.
Resultats MySports League
En l'emprima liga dal hockey regiunal ha il HC Partenz-Signuradi gudagnà la sonda saira ordaifer cunter Reinach cun 3:1. La decisiun è pir crudada en il davos terz, lura han ils Grischuns sajettar dus gols al 3:0. Curt avant la fin hai lura anc tanschì per Reinach da sajettar il gol d’onur.
Resultats 1. liga
En la segunda liga han omadus clubs grischuns pers ordaifer. Il Club da hockey Engiadina perda cunter Dielsdorf-Niederhasli cun 0:1. E gist in 1:9 incassescha San Murezzan cunter Illnau Effretikon.
Resultats 2. liga
RR novitads 20:00