Siglir tar il cuntegn

Header

cuntegn

Nagin «Beni's Super-G» «Il pli fitg stun jau mal per ils uffants»

Tut fiss stà pront per la 31avla ediziun dal Beni's Super-G en il territori da skis da Flem-Laax-Falera. Cunter il coronavirus na sa dentant er l'organisatur Beni Cathomas far nagut.

Questa sonda fiss la 31avla ediziun da la cursa da cult «Beni's Super-G» stada sin il program. L'organisatur Beni Cathomas è trumpà, che sia cursa na sa betg vegnir manada atras pervia dal coronavirus. El ha dentant er totala chapientscha che quai na saja actualmain betg pussaivel.

Cler, i fa schon mal. Nus ans legrain uss dentant gia sin proxim onn.
Autur: Beni Cathomas organisatur Beni's Super-G

Beni Cathomas stat spezialmain mal per ils uffants. L'entir enviern clamavan ils uffants sin el «Beni's Super-G» cura ch'el era en il territori da skis . El haja badà che blers uffants sa legravan immens sin la cursa.

Beni Cathomas sin ina fotografia cun dus victurs
Legenda: Beni Cathomas (en il center) ensemen cun ils dus victurs da l'onn passà. RTR, GEORGINA JANKI

Beni Cathomas ha dentant er ina buna novitad per tut ils fans da la cursa. Uschè ditg ch'el saja fit vegn quest eveniment fatg vinavant. El saja gia motivà d'organisar proxim onn puspè il «Beni's Super-G».

RTR actualitad 07:00

Artitgels legids il pli savens