Las equipas Grischunas che dattan en emprima liga han terminà lur gieus da mesemna saira senza recaltgar puncts. Arosa ha pers cunter Wetzikon cun 1:5 e Cuira ha stuì sa suttametter al leader Dübendorf cun 2:4.
In resultat cler en la partida Arosa - Wetzikon
Suenter in start suboptimal en la Masterround era la speranza d'Arosa gronda da turnar sin in'unda da victoria. I è dentant vegnì auter che planisà. Arosa ruschna sin posiziun tschintg en la tabella entant che Wetzikon è da nov sin il terz plaz. Il sulet gol per Arosa ha Yannick Bruderer sajettà.
Cuira perda gieu e goli
Gia suenter tschintg minutas è il goli Leon-Vincent Sarkis curdà or pervi d'ina blessura. Malgrà che ses substitut Tobias Werner ha mussà diversas bunas paradas n'hai betg tanschì per ina victoria. Cuira ha laschà passar numerusas schanzas ed ha pers il gieu cun 2:4.
Questa fin d'emna suondan ils proxims gieus: Cuira dat sonda cunter Wetzikon ed Arosa dat dumengia cunter Biasca.
Hockey: Classament 1. liga ost (masterround) (06-02-2016)
| Team | Gieus | Relaziun da gols | Puncts | |
| 1. | Dübendorf | 10 | 169:68 | 55 |
| 2. | Biasca | 10 | 136:84 | 39 |
| 3. | Cuira | 10 | 133:99 | 36 |
| 4. | Frauenfeld | 10 | 94:102 | 34 |
| 5. | Wetzikon | 10 | 108:88 | 33 |
| 6. | Arosa | 10 | 107:111 | 27 |
RR novitads 6:00