Siglir tar il cuntegn

Header

cuntegn

Regiunal Niederreiter en vista al final da la Cuppa Stanley

Gugent vess Nino Niederreiter dà sez il final per la Cuppa Stanley. Mo enstagl sto el guardar il final “svizzer” tranter Mark Streit, Roman Josi e Yannick Weber.

audio
Saira: Nino Niederreiter davart il final «svizzer» en la NHL
ord Sportissimo dals 03.06.2017.
laschar ir. Durada: 3 minutas 54 Secundas.

Nino Niederreiter ha anc mai dà uschè bain sco la stagiun vargada. Igl attatgader oriund da Cuira ha fatg 25 gols ed ha dà 32 assists en la meglra liga da hockey dal mund, la National Hockey League. Ed era ses club Minnesota Wild è stà en la qualificaziun uschè ferm sco anc mai. Mo la trumpada è vegnida en ils playoffs. Minnesota ch’era in dals cunfavurits ha pers gia en l’emprima runda.

Uss persequitescha el ses amis en il final

Dentant ha Nino Niederreiter gia cumenzà ses trenament da stad a Cuira. Da qua anora guarda el il final “svizzer” tranter ils Pittsburgh Penguins cun Mark Streit ed ils Nashville Predators cun Roman Josi e Yannick Weber. Ses cumpatriots en la NHL sajan era ses amis. En spezial Mark Streit che è stà al cumenzament da sia carriera ses collega d’equipa tar ils New York Islanders.

audio
Mezdi: Predators cun Josi e Weber enavos en il cumbat per la Cuppa Stanley
ord Sportissimo dals 04.06.2017.
laschar ir. Durada: 2 minutas 39 Secundas.

Predators enavos en il cumbat

Ils Nashville Predators cun Roman Josi e Yannick Weber han gudagnà il terz gieu da final encunter ils Pittsburgh Penguins a chasa cun 5:1 ed uschia scursanì la seria da best-of-seven al 1:2. Josi ha persvadì cun in gol e dus assists. Il quart gieu da final è danovamain a Nashville.

Artitgels legids il pli savens