Siglir tar il cuntegn

Header

Arno Lietha giun plaun en la naiv.
Legenda: Arno Lietha al campiunadi mundial. Keystone
cuntegn

Notg dal sport grischun Arno Lietha è sportist grischun da l'onn

Da la notg dal sport grischun a Cuira è il currider da skis da tura Arno Lietha vegnì undrà sco meglier sportist da l'onn. Il premi da sportist grischun da l'onn è dotà cun 10'000 francs.

Il giuven da 20 onns aveva gudagnà aur al campiunadi mundial da curriders da skis da tura – e quai gist tar sia emprima participaziun. Ina giuria d'experts sco er il public hajan elegì Arno Lietha sco sportist da l'onn, scrivan ils organisaturs da la notg da sport 2019. El succeda a Nevin Galmarini ch'era vegnì undrà l'onn passà cun il premi.

A la notg da sport èn er vegnids undrads:

  • Annik Kälin (atletica leva) sco newcomer da l'onn
  • This Störi (Unihockey Alligator Malans) sco funcziunari da l'onn
  • Club da hockey Partenz sco uniun da l'onn
  • Reto «Rey» Keller (sport d'alpinissem e muntogna) sco sportist dal sport per persunas cun impediments

RR novitads 06:00