Corsin Cavegn enconuscha bain la scena da ballape en la Surselva. Tranter auter ha el gia trenà ses club da chasa, il CB Lumnezia ed il Club da ballape Trun/Rabius. Cun Schluein/Glion ha Cavegn era giugà dal 1989 fin il 1995.
Cavegn daventa tar Schluein/Glion il successur dad Urs Casutt ch’aveva demissiunà sco trenader la fin da settember. Cun Corsin Cavegn vul il club da la segunda liga puspè turnar enavos al success. Il davos hai dà 5 terradas en seria en il campiunadi. En la tabella sa chatta l’US Schluein Glion sin il 10avel plaz, dus puncts avant in plaz da relegaziun.