audio
Saira: Nov trenader per l'EHC Arosa
ord Actualitad dals 20.01.2016.
laschar ir. Durada: 2 minutas 10 Secundas.
Cun Marcel Habisreutinger veva Arosa en sasez cumenzà bain il campiunadi. L'atun era Arosa s'avanzà enfin il segund plaz da la tabella. Mo il schlantsch da l'atun è ì a perder. Suenter il derby grischun encunter Cuira saja stà temp per reagir ha ditg il president da l'EHC Arosa Ludwig «Lutta» Waidacher al Radio Rumantsch. Arosa manava a chasa cun 5 a 0 ed ha anc pers quai gieu cun 5 a 6 suenter ina lutga da penaltis.
Cuppa svizra è l'emprim test per il nov trenader
L'emprim gieu cun il nov trenader Hermann Bruderer ha Arosa gia questa saira. Arosa dat a Dübendorf in gieu da qualificaziun per la cuppa svizra. Dübendorf è il maina tabella da l’emprima liga e Dübendorf è era quella equipa ch'ha eliminà l'atun passà il campiun svizzer Tavau da la cuppa svizra.
RR novitads 17:30