L'idea da reunir las 3 cursas tradiziunalas è vegnida da Toni Zarn, ch'organisescha dapi onns la cursa da Cuira ad Arosa. Tar tuttas 3 cursas da la nova seria datti parallelas. Tuttas 3 cursas, Cuira - Arosa, Andeer - Juf e Glion - Val han ina lunga tradiziun, ellas datti gia dapi passa 30 onns. Ed en tuttas 3 cursas vai pulitamain ensi. I va liber il matg cun Glion - Val, l’avust è lura Andeer - Juf ed il settember sco final Cuira - Arosa.
Classament general per las 3 cursas
Per las 3 cursas da velo en il Grischun datti lura in classament general. L’emprima cursa è dumengia ils 3 da matg, quella da Glion - Val. Finamira dals megliers è tenor Marcus Derungs, organisatur da la cursa da velo da Glion a Val, dad esser pli spert che l’auto da posta che fa mintgadi pliras giadas la tura da Glion a Val.