La sceptica avant quatter onns era gronda. La federaziun internaziunala da skis FIS aveva decis dad augmentar il radius dals skis da slalom gigant en la coppa mundiala da 27 a 35 meters. Ils skis da las atletas e dals atlets èn uschia vegnids pli gulivs. Per far stortas pli stretgas vuleva quai dapli forza. Il dies e la schanuglia vegniva strapatschada pli ferm.
Jau n'hai betg pli problems cun il dies.
Suenter quatter onns turna la FIS puspè en vischinanza da las veglias mesiras. Il radius dals skis da slalom gigant vegn reducì da 35 sin 30 meters. Tar las dunnas vala il medem radius. La decisiun è vegnida prendida pervia da numerusas feridas. Oravant tut il dies e la schanuglia vegniva strapatschada fitg ferm. Cun il return tar las mesiras quasi da pli baud dessan las feridas vegnir damain.
Ils radius dals novs skis m'avessan da vegnir encunter.
