Pels lutgaders grischuns era la lutga da primavaira a Domat il tun da partenza en la nova stagiun. E la partenza è gartegiada dretg bain. Gest dus lutgaders grischuns eran il davos en la lutga finala. Orlik Armon e Schlegel Sandro. Suenter stgars duas minutas ha Orlik giu a Schlegel en il resgim. Il lutgader da Maiavilla ha gudagnà uschia gia sia terza lutga da questa stagiun:
Sper la victoria dad Orlik Armon e la terza da plazza da Schlegel Sandro da Küblis ha er Aebli Nino da Seewis persvas. Il giuven lutgader da deschset onns ha terminà la lutga da primavaira sin la stupenta terza plazza.
Aebli era ensemen cun Biäsch Christian da Tavau il meglier giuven lutgader grischun tar la lutga da primavaira a Domat.
RR Sportissimo 17:05