Siglir tar il cuntegn

Header

hockeyaners trumpads
Legenda: Ina squadra trumpada suenter la terrada encunter Partenz-Signuradi RTR, A. Caprez
cuntegn

Regiunal Partenz Signuradi eliminescha San Murezzan

Per la segunda giada en roda cumbatta il club da hockey Partenz Signuradi per il titel da champiun en segunda liga. Er quest onn è ha l’equipa ch’ha gudagnà la qualificaziun sa qualifitgà per il final.

En il mezfinal ha il favurit eliminà il club da hockey da San Murezzan. Suenter quatter duels grischuns en il mezfinal era tut cler. Partenz Signuradi ha gudagnà la seria da best of 5 cun 3:1. L’equipa grischuna frunta uss en il final sin l’equipa da Dürnten, sco gia la stagiun passada. Lura aveva l’equipa dal chantun Turitg gudagnà la seria da final cun 3:1.

audio
Terrada per l'EHC San Murezzan
ord Actualitad dals 11.03.2016.
laschar ir. Durada: 2 minutas 8 Secundas.

Per San Murezzan è la stagiun a fin

Entant che la stagiun cuntinuescha per Partenz Signuradi è quella a fin per il club da hockey da San Murezzan. L’equipa engiadinaisa ha mussà ina buna qualificaziun ed anc meglras serias da playoff.

En l’otgavel final ed era en il quart final ha San Murezzan mintgamai decis la seria en il tschintgavel gieu. En il mezfinal mancava lura dentant la forza e San Murezzan è crudà ora. Sco la stagiun passada tutga San Murezzan uschia tar las meglras quatter equipas da la segunda liga.

Survista gieus da playoffs grischuns (05/6 -03-2016)

Emprima liga (1/2-final playoffs)
Resultat gieu
Resultat seria
EHC Cuira - HCC Biasca :
2:1
Segunda liga ( 1/2-final playoffs)
Resultat gieu
Resultats seria
San Murezzan : Partenza /Segneradi
2:3
0 : 2

Artitgels legids il pli savens