Siglir tar il cuntegn

Header

audio
Seraina Boner – ina passlungista cun corp ed olma
Or da Actualitad dals 18.01.2021.
laschar ir. Durada: 04:11 minutas.
cuntegn

Passlung A la partenza ord spir plaschair

La fin d’emna è Seraina Boner, oriunda da Claustra, sa participada al campiunadi svizzer da passlung a Sedrun, cun 38 onns sco la seniora tar las dunnas. Cun dus plazs sut las top 10 ha ella dentant mussà ch’ella vegn anc adina da tegnair pitg cun las concurrentas ch’èn 15 e 20 onns pli giuvnas.

Ad ella fetschia quai simplamain plaschair d’astgar ir a la partenza e sa mesirar cun las autras, quai na saja nagin stress, uschia Seraina Boner ch’era gia vegnida avant passa 20 onns l’emprima giada campiunessa svizra. Oz n’hajan ils resultats dentant betg pli quella relevanza sco anc al cumenzament da la carriera.

Spezialista da cursas da distanza

Il pli gugent parta Seraina Boner, ch’ha era prendì part duas giadas a gieus olimpics (2006 Turin e 2014 Sotschi), oz dentant a las cursas popularas sco il maraton da l’Engiadina, il maraton da la Surselva u il Planoiras a Lai. Dapi il 2010, suenter esser stada set onns en il cader naziunal da Swiss Ski, è ella sa spezialisada sin cursas da distanza. Durant plirs onns è la passlungista grischuna stada ina da las grondas figuras als classichers sco il Birkebeiner en Norvegia u la Marcialonga en l’Italia, cursas da 50, 70 e dapli kilometers.

Seraina Boner è maridada cun Toni Livers, el è anteriur profi da passlung, e dapi bun in onn e mez mamma d’in buob. Cun sia famiglia viva ella a Tavau, gist sper la loipa, ses segund dachasa.

Actualitad 17:00

Artitgels legids il pli savens

Scrollar a sanestra Scrollar a dretga