Siglir tar il cuntegn

Header

audio
Passlung e Corona – La vart positiva ord vista dals atlets grischuns.
Or da Actualitad dals 05.11.2020.
laschar ir. Durada: 2 minutas 28 Secundas.
cuntegn

Passlung Ina stagiun sut l’ensaina da corona

La stagiun da passlung è lantschada. Dapi intgins dis è averta ina loipa da bun quatter kilometers a Tavau. Actualmain è quasi l’entira elita mundiala vid il trenar sin questa loipa al pe dal Flüela, uschia er l’equipa Svizra.

Ils passlunghists svizzers enturn Dario Cologna èn vid mular vid ils davos detagls en vista a la nova stagiun che stat sut l’ensaina da corona.

Divers puncts culminants

La stagiun da la cuppa mundiala da passlung cumenza la fin da november a Ruka en la regiun da Kuusamo en la Finlanda. Mez december spetgan gia las cursas da Tavau Nordic – per ils atlets svizzers èn quai lur cursas da chasa che vegnan manadas atras quest onn avant tribunas vidas, pia senza fans ed aspectaturs. Il punct culminant è lura il campiunadi mundial la fin da favrer e l'entschatta da mars ad Oberstdorf en Germania.

Far il meglier en quella situaziun

video
Dario Cologna avant la stagiun
Or da Telesguard dals 05.11.2020.
laschar ir. Durada: 2 minutas 15 Secundas.

Sche tut las cursas pon vegnir manadas atras sco planisà stat anc scrit en las stailas. Atletas ed atlets speran dentant che la pandemia da corona na mettia betg l’entira stagiun sutsura. I vala da tegnair en las prescripziuns, sa tegnair vid las reglas e far il meglier pussibel da mitschar saun tras la stagiun. I saja da far il meglier pussibel en questa situaziun, uschia Dario Cologna che spera sco tut ils auters da bainprest puspè pudair turnar enavos en ina vita normala.

Actualitad 17:00

Artitgels legids il pli savens