Tenor il president dal comité d’organisaziun, Alois Tambornino, na dettia nagina garanzia ch’i possia anc dar naiv ils proxims dis per uschia preparar ina loipa andanta da Trun a Mustér. Ils organisaturs vulan uschia organisar l’ediziun da giubileum, il 10avel Nordic Culinaric, il 2024.
Gia ils davos dus onn n’aveva questa occurrenza betg pudì vegnir manada atras, lura dentant mintgamai pervia da la pandemia da corona. Quest onn èsi la mancanza da naiv. Durant questa stagiun n’ha la loipa Cadi da Trun a Mustér anc betg pudì vegnir averta. Sulet al campadi Fontanivas a Mustér datti ina loipa preparada da bun dus kilometers.
Avant in’emna era gia il Surselva Maraton a Sedrun en la Val Tujetsch vegnì annullà pervia da la mancanza da naiv.
