Giuliana Werro è da Zernez ed ha 16 onns. Ella haja persvadì l'enviern passà cun daventar campiunessa svizra en la categoria sut 18 onns, scriva la fundaziun. Era 16 onns ha Dario Caviezel da Domat che ha gudagnà en il snowboard alpin pliras cursas da la Cuppa europeica. Omadus giuvens sportists vegnan sustegnids cun mintgamai 2'000 francs.
Ulteriuras premiaziuns
Ulteriura premiaziun hai dà per las giuvnas Selina Schnider da Tavau (passlung), Jasmin Lietha da Fideris (ski alpin) e per Berenice Wicki da Tavau (snowboard freestyle).
Tar ils giuvens han Gian Fadri Jäger da Cunter (biatlon), Moritz Boll (snowboard freestyle) e Marco Wolf da Buchen (ski alpin) survegnì in check da promoziun da la generaziun giuvna en la valita da 500 francs.
RR novitads 10:00