Siglir tar il cuntegn

Header

audio
Coronavirus e l'influenza sin l'alpinissem - discurs cun il guid da muntogna Paul Degonda
Or da Sportissimo dals 01.05.2020.
laschar ir. Durada: 9 minutas 38 Secundas.
cuntegn

Paul Degonda «Situaziun fatala per guids da muntogna»

Il coronavirus ha mess il mund da sport sin il chau. Quasi tut las occurrenzas da sport èn vegnidas spustadas u direct annulladas. Star a chasa è stà la devisa. Pertutgà da tut quai èn tuts, principalmain er il guids da muntogna. E per els è il virus vegnì gist en il pli tup mument.

La primavaira è la stagiun auta per far turas cun skis, ed uschia er per ils guids da muntogna. Mo dad in di sin l'auter hai gì num; dar giu tut ils projects, tut la lavur, di il guid da muntogna Paul Degonda. In di avant il scumond dal Cussegl Federal avess el anc gì da sgular en la Norvegia per in’emna da turas, quai saja tut dà en l’aua.

Il scumond encunter nus guids da muntogna è schon stà dirs damai che nus n’avessan betg giu il problem da tegnair en la distanza durant far turas cun skis.
Autur: Paul Degonda guid da muntogna

Il mars vala sco il pli ferm mais per far turas cun skis ed er l’avrigl è in bun mais, oravant tut per turas autas. E quest onn fissi stà grondiusas relaziuns per far talas turas, di Paul Degonda. Tuttina n’haja el betg gì lungurus da star a chasa las davosas emnas. Uschia haja el per l'ina ina giada gì dapli temp per la famiglia e per l’autra saja el vegnì da far intginas chaussas en ed enturn chasa ch’el avevi daditg en mira da far, uschia Paul Degonda.

Sportissimo 17:00

Artitgels legids il pli savens