Siglir tar il cuntegn

Header

cuntegn

Per l'emprima giada Alligator Malans gudogna Supercup

Questa giada ha l'equipa grischuna gudagnà cunter Wiler-Ersigen cun 5:4. Fin duas minutas avant la fin dal gieu era Alligator Malans anc cun 3:4 en retard.

Gieu cun gronda tensiun

Bain eran ils da Malans gia stads duas giadas en il final. Per la victoria n'hai dentant betg tanschì – ni l'onn passà ni da la premiera il 2015. Questa giada hai dà in start empermettent. Gia en la quarta minuta ha Aligator Malans pudì giubilar grazia Tim Brailland. E gia en la 9avla minuta ha Malans pudì far il 2:0. Curt suenter ha Wil pudì far lur emprim culp. Joel Friolet ha sajettà il 1:2. Fin la pausa ha Wiler-Ersingen pudì egualisar il resultat intermediar.

Suenter la pausa ha Wil sajettà en la 56avla minuta il 4:3. En la 59avla minuta ha Aligator Malans sfurzà cun in sisavel giugader la gulivaziun. E gia tar la proxima attatga ha Tim Braillard sajettà il 5:4.

RTR novitads 06:00

Artitgels legids il pli savens