Siglir tar il cuntegn

Header

Puck da hockey.
Legenda: Nagina fortuna per ils da Partenz Signuradi: suenter avair pers il terz gieu dal final da playoff n'è er la quarta partida betg gartegiada. Keystone
cuntegn

Regiunal Per Partenz Signuradi e il siemi dal titel a fin

La meglr’equipa grischuna da la segunda liga ha pers il quart gieu da final encunter Dürnten cun 1:2. Partenz Signuradi perda uschia la seria da final cun 1:3 encunter l’equipa da Turitg. La stagiun per l’equipa Grischuna è uss perquai a fin.

L’equipa che ha gudagnà la qualificaziun en segunda liga, e ch’è marschada atras las emprimas trais serias da playoff e vegnida franada pir en il final – Partenz Signuradi. E quai puspè da Dürnten. L’equipa dal chantun Turitg aveva gia gudagnà la stagiun passada il final da la segunda liga encunter Partenz Signuradi. Er lura aveva Dürnten gudagnà la seria cun 3:1.

Segund gieu da final, gieu decisiv

Suenter che Partenz Signuradi aveva pers l’emprim gieu da la seria encunter Dürnten, è il segund inscunter ì a fin dramatic. Partenz manava a chasa cun 3:1. Dürnten ha dentant egualisà il gieu.

Suenter 60 minutas steva quai pari 4:4. Pervi d’ina fora en il glatsch è la partida però vegnida interrutta. Il gieu è vegni repetì, Dürnten ha uschia giu ils emprims dus gieus cun avantatg da chasa. L’istorgia da la fora en il glatsch ha garanti era gidà che Partenz è vegnì or dal concept.

Artitgels legids il pli savens

Scrollar a sanestra Scrollar a dretga