Siglir tar il cuntegn

Header

Vladimir Petkovic en acziun
Legenda: Vladimir Petkovic en acziun Dal 1987-1988 e dal 1990-1993 ha el dà ballape tar Cuira. Keystone
cuntegn

Petkovic a Cuira Tut ha cumenzà a Cuira

Durant 4 stagiuns ha Vladimir Petkovic, trenader da la naziunala svizra, purtà il tricot da Cuira. L'anteriur president Thomas Casanova (64) ha guardà enavos cun RTR sin quest temp.

audio
Euro2020: Thomas Casanova da Cuira 97 sa regorda da Vladimir Petkovic
03:47 min, Actualitad dals 14.06.2021.
laschar ir. Durada: 03:47 minutas.

In giuven da 24 onns era Vladimir Petkovic, cur ch'el è vegnì il 1987 tar il club da ballape da Cuira en la liga naziunala B. El saja stà in giugader, ch'els hajan pudì sa prestar, sa regorda l'anteriur president, Thomas Casanova. Sco giugader era Petkovic in pitschen num, ch'aveva giugà avant ballape mo en l'anteriura Jugoslavia.

In bel temp cun Petkovic

A Cuira è Vladimir Petkovic immediat stà in dad els. El è s'integrà fitg spert en l'equipa.

El era ina persuna fitg modesta. Nus avain mai gì problems cun el. El era adina enturn nus ed ha uschia er emprendì spert tudestg
Autur: Thomas Casanova anteriur president FC Cuira

E sin il plaz è Vladimir Petkovic immediat stà in rinforzament per l'equipa, di Thomas Casanova. El era in strateg amez-amez e dirigeva il gieu da l'equipa. Plinavant era el tecnicamain il pli ferm giugader. I deva dentant era chaussas, ch'il trenader da la naziunala svizra na fascheva betg gugent.

Jau hai crai mai vis Vladimir Petkovic cun chautschas tschuffas.
Autur: Thomas Casanova anteriur president Cuira 97

El n'era betg il giugader che gieva per terra e che sbrajattava (grätschen). Tegnair giugaders adversaris e far lavur defensiva n'era betg il mund da Petkovic. Per questas incumbensas aveva l'equipa er auters giugaders, di Thomas Casanova cun in lev surrir.

Il dirigent a Cuira
Legenda: Il dirigent a Cuira Cuira è stà l'emprima staziun en Svizra per Vladimir Petkovic. Keystone

Durant 4 onns è Vladimir Petkovic stà ina part da l'uniun. L'anteriur president guarda gugent enavos sin quest temp. E cler, ch'el persequitescha anc oz cun grond interess la carriera da l'anteriur strateg da l'equipa da Cuira. El saja oz sco trenader anc adina tuttina sco pli baud sco giugader. In tip ruassaivel e ponderà.

Cler è Thomas Casanova er in zic losch, che l'emprima staziun da Vladimir Petkvoic en Svizra è stà il club da ballape da Cuira. A la Ringstrasse ha el fascinà amaturs dal ballape schon ditg avant ch'el è vegnì enconuschent.

Legenda: L'anteriur president dal FC Cuira guarda gugent enavos sin il temp cun Vladimir Petkovic. RTR, Gian Carlo Candinas

Artitgels legids il pli savens

Scrollar a sanestra Scrollar a dretga