Il EHC Cuira, il club da la chapitala, ha pudì cumenzar la seria da best of 5 a chasa suenter ch’ils da Cuira avevan terminà la qualificaziun sin il terz plaz da la tabella. Il EHC Arosa avava terminà la qualificaziun sin il 6avel plaz.
Bain va Cuira en la 5avla minuta en avantatg, Arosa vegn dentant da reagir e maina suenter l'emprim terz cun 2:1. Al cumenzament dal segund terz egualisescha Cuira, en la 38avla minuta va Arosa dentant puspè en avantatg. Per il resultat final da 4:3 procura Cuira lura cun dus gols en la 44avla ed en la 53avla minuta.
