Per il Club da hockey Partenz-Signuradi è la stagiun a fin anticipadamain. Ils da Partenz perdan la seria «best of five» cunter Wil cun 1:3.
En la halla da glatsch a Grüsch avant var 140 aspectaturs, han ils da Partenz pers la quarta partida cunter Wil cun 2:4. Gia suenter 10 minutas era Partenz cun 0:2 en retard. Duas giadas èsi lura gartegià da scursanir, al 1:2 e pli tard en il segund terz al 2:3. Dentant curt avant la fin dal segund terz ha Wil marcà il quart gol, al resultat final da 2:4.