Ordaifer cunter Wil perda il club da hockey Partenz-Signuradi gist cun 0:6 l'emprima partida dals playoffs en la 1. liga. La segunda partida dal quartfinal dals playoffs ha Partenz-Signuradi mardi proxim a chasa.
My Hockey League
- EHC Seewen – EHC Cuira 4:2
- EHC Arosa – EHC Bülach 4:5
Cuira è stà davent da la segunda minuta en retard cunter Seewen. Bain han ils Grischuns pudì scursanir duas giadas, uschia ch'i steva sulet 3:2 per ils da Seewen a la fin dal segund terz. Dapli gols n'ha Cuira dentant betg sajettà, Seewen percunter ha fatg tut cler en la 59avla minuta al resultat final da 4:2.
Gia suenter 19 secundas ha Arosa incassà in gol, e suenter l'emprim terz eran ils Grischuns cun 0:2 enavos cunter Bülach. En il segund terz han David Rattaggi, Jan Schöni e Luca Schommer dentant pudì sajettar Arosa cun 3:2 en avantatg. En il davos terz han lura ils da Bülach sajettà trais gols fin la 56avla minuta. Il 4:5 tras Reto Amstutz da Arosa en la 58avla minuta ha lura muntà il resultat final.
