Siglir tar il cuntegn

Regiunal Quart gieu, quarta victoria

Il Club da ballape da Cuira 97 marscha en la 2. liga regiunala da victoria a victoria. Cuira ha gudagnà a chasa il duel a la testa encunter Montlingen cun 2:1.

equipa da cuira 97, segunda liga regiunala
Legenda: L'equipa da Cuira 97 da la 2. liga regiunala per la stagiun 2015/16. mad

Sco Cuira aveva era Montlingen gudagnà ils emprims 3 gieus da la stagiun. Samir Limani e Valerio Plozza han sajettà ils dus gols da Cuira. Il sulet gol da Montlingen en la 87avla minuta è vegnì memia tard.

Cuera 97 resta cun il maximum da 12 puncts a la testa. Nov cun 10 puncts sin il segund plaz è Weesen ch'ha batti a chasa Schluein Glion cler e bain cun 5:1. Carlo Bearth ha sajettà cun in penalti il sulet gol dals sursilvans. Suenter che Schluein Glion ha gudagnà ils emprims dus gieus han els uss pers dus ed èn cun 6 puncts sin il 6avel plaz da la tabella.

RR sportissimo 12:00