-
Bild 1 von 4Legenda: Midar rollas para da far gust als participants dal Bike Day. RTR, Andreas Wieland -
Bild 2 von 4Legenda: Vegnir giu da la costa sut ils egls dals profis. RTR, Andreas Wieland
-
Bild 3 von 4Legenda: Cun agid dal profi giu da la costa. RTR, Andreas Wieland
-
Bild 4 von 4Legenda: Cun il trenament spezial duai vegnir animà da sa participar sez ad ina cursa. RTR, Andreas Wieland
In e scadin ha pudì sa participar a quest Surselva Bike Day ed uschia profitar dals mountainbikers da classa. Er sche quest event n’ha anc betg carmalà blers participants han quels ch’èn stads da la partida pudì giudair in bel ed interessant di.
Atlets sco Vital Albin èn daventads trenaders
L’avantmezdi han Vital Albin e collegas midà rolla per ina giada ed èn sa mess en la rolla da scolasts u trenaders. Els han mussà tecnicas sco per exempel co franar, co ir d’ina plaunca taissa giuadora u co siglir sur crappa e laina.
Suenter ina spaghettata han pitschen e grond, giuven e vegl dastgà far ina tura da mountainbike en la regiun da Glion ensemen cun tranter auter er Gian Carlo Sax da Flond, anteriur mountainbiker u Alessandra Keller ch’ha gudagnà al campiunadi mundial a Lai aur en la cursa dals U23.
Cun l'agid dals profis a la partenza dal Bike Maraton Lumnezia
La finamira da quest Surselva Bike Day è da carmalar dapli glieud a la partenza dal Bike Maraton Lumnezia che vegn organisà onn per onn l’entschatta avust. Ils participants da quest event survegnan fin la proxima ediziun dal Bike Maraton Lumnezia er adina puspè in plan da trenament dals profis.
RR Sportissimo 17:05