-
Bild 1 von 7. Da sanestra: Selina Gasparin, Elisa Gasparin, Aita Gasparin ed Irene Cadurisch suenter la cursa da 4x6km als gieus olimpics 2014 a Sochi. Bildquelle: Keystone.
-
Bild 2 von 7. Selina Gasparin è anc adina la pli ferma svizra. Bildquelle: Keystone.
-
Bild 3 von 7. Sco sia sora Selina stat er Elisa Gasparin a Lantsch. Bildquelle: Keystone.
-
Bild 4 von 7. Er Aita Gasparin sa prepara per la stagiun nova. Bildquelle: Keystone.
-
Bild 5 von 7. La biatleta Irène Cadurisch durant la cursa da sprint dals campiunadis svizzers da biatlon 2016. Bildquelle: Keystone.
-
Bild 6 von 7. Las soras Gasparin – . Selina, Elisa ed Aita (da san.) en la nova Arena da biatlon a Lantsch. Bildquelle: Keystone.
-
Bild 7 von 7. Serafin Wiestner (qua durant ina cursa) exercitescha intensivamain il tir. Bildquelle: Keystone.
La piuniera da biatlon Selina Gasparin è anc adina la pli ferma svizra. Gia en l’emprima stagiun suenter ch’ella è vegnida mamma è ella puspè stada sin il podest en la cuppa mundiala. En questa stagiun vul la veglia da las trais soras Gasparin vegnir pli constanta e cumbatter pli savens per las emprimas posiziuns.
Da l’Engiadina a Lai e Lantsch
Per avair meglras cundiziuns da trenar han las trais soras Gasparin bandunà l’Engiadina ed èn sa chasadas en la vischinanza da la nova Arena da biatlon a Lantsch. La giuvna Aita viva uss a Lai, Selina ed Elisa a Lantsch.
Là san ellas profitar da l’infrastructura perfetga che l’Arena da biatlon porscha da stad e d’enviern. Sco quarta grischuna emprova Irène Cadurisch dad Isola da fitgar pè en la cuppa mundiala suenter ina lunga pausa da blessura.
Serafin Wiestner è avanzà ad ina pitga da l’equipa svizra
Il sulet um grischun che parta per il mument en la cuppa mundiala da biatlon è Serafin Wiestner da Trin. Er el trenescha savens a Lai. Decisiv per far in ulteriur pass enavant ha el oravant tut lavurà intensiv en il tir.
RR Sportissimo 17:00