Ils Calanda Broncos, l’equipa grischuna d’American Football, ha gudagnà il gieu a la testa cunter ils Gladiators da Basilea. Ils Broncos han battì a Cuira il campiun svizzer cun 45:10 ed uschia pudì far revantscha per la terrada cunter ils Gladiators en il Swiss Bowl 2014.
Legenda:
Simon Riedi
è stà giast en il Sportissimo da RTR.
calandabroncos.ch
Per ils Calanda Broncos èsi stà la 5avla victoria en il 6avel gieu da campiunadi. L’equipa grischuna resta cunquai a la testa da la tabella ed è sin buna via da danovamain cuntanscher il final, il Swiss Bowl. Il proxim gieu da campiunadi dattan ils Broncos la fin da matg, quai danovamain cunter ils Gladiators, lura dentant ordaifer a Basilea.
