La dumengia datti l'emprima medaglia svizra tar ils campiunadis mundials da trair tschoccas en l’Austria. L’equipa cun ils dus giuvens Engiadinais Orlando Bass e Niclà Cotti gudogna la medaglia da bronz tar la concurrenza d’equipa sut 23 onns. Mo las squadras da la Germania e da l’Austria eran anc meglras sco l’equipa Svizra.
La medaglia da bronz tar ils campiunadis mundials en l’Austria è gia la segunda medaglia sin livel internaziunal per ils dus giuvens. Gia tar il campiunadi d’Europa l’onn passà en Svizra ha il duo savì festivar cun l’equipa Svizra la medaglia da bronz.
Trair tschoccas
Avrir la boxSerrar la box
Il sport ch'è oriundamain vegnì da la Scandinavia è populars surtut en Baviera, en Austria ed en il Tirol dal Sid. En Svizra è il sport in sport a l’ur: mo 200 giugaders licenziads cumbattan per victorias e titels.
